2025eko maiatzaren 15etik 25era bitarte egingo da Euskaraldiaren laugarren edizioa, “Elkar mugituz egingo dugu” lelopean.
Biztanle guztiei zuzendutako ariketa kolektiboa da Euskaraldia eta haren helburua da euskararen erabilera aktibatzeko mugimendua sustatzea.
Parte hartzeko bi baldintza bete behar dira: 16 urte edo gehiago izatea eta euskara gutxienez ulertzea. Horrez gain, izena eman behar da eta Ahobizi edo Belarriprest rolen artean aukeratu.
Merkataritza eta ostalaritza sektoreek hizkuntza-ohituretan daukaten garrantzia eta eragina kontuan izanik, Bilboko Udalaren Biribilko egitasmoak ariketa kolektibo honen garapena lagundu eta erraztu nahi du.
Ondoko kanal hauek erabil ditzakezu Euskaraldiaren inguruko informazio gehiago eskuratzeko eta bertan izena emateko:
– Posta elektronikoa: bilbo@euskaraldia.eus
– Telefonoa: 688 754 499 (Alazne Astorga) edo 688 758 933 (Uxue Sagarminaga).
– Web-orria: www.euskaraldia.eus
